AVISU: El material espublizao equí ye pa alumnos o personal docente que lo alcuentre prestamoso; pero si acaez lo segundo, agradecería un mesaxe de correu comentando'l fechu. Sicasí, l'autor resérvase tolos drechos so'l citáu material.
Esti ye'l material de la charla con esi títulu que di'l 23 de febreru de 2006 na EUITIO
ACLARACIÓN: Dellos collacios dixéronme que nun tan d'alcuerdu colo que dixe sobre que'l alumnu diba aprebar con toa probabilidá. Tienen razón. Esta charla ta pensada pa los mis alumnos, y sé que en tolos casos ficierun un proyeutu dignu. Tamién sé que si'l alumnu fizo un mínimu esfuerciu tará nel mesmu casu, polo que'l mi comentariu val pa "cuasi toos" los alumnos. Pero diose ya'l casu d'alumnos que faen por "colar cualquier cosa" contra la voluntá del so direutor, y nesi casu sí que tan en peligru (y sí que hai precedentes de que'l tribunal rechace'l proyeutu, anque llegalmente nun tomara la forma d'un suspensu). Dígolo na charla, pero non con claridá abonda.
Asoleyo esti material en beneficiu de cualisquier alumnu de la EUITIO y pa usu personal del alumnu que lo descargue. Pido que nun se difunda a terceros sin el mi consentimientu previu (si se quier pedir cosa tala, hai qu'escribir a guti'n uniovi puntu es).
Nesti apartáu ufiértase información so los proyeutos nos que intervengo o intervine, como direutor o codirixéndolos con Daniel Gayo Avello o otros profesores. Renuncié a los que salen comu "anuláos", por una combinación ente la falta de actividá del escolín y la mi falta de tiempu.